【重要】收到准考證後必做嘅事

相信同學喺依幾日都會開始收到准考證,喺收到准考證有咩要即刻做?記得做唒以下嘅check list!

1️⃣ 實地考察所有考場

有啲時間唔可以慳,我建議同學一定要去所有考場行一次,搵清楚考場

  • 附近有冇啲地方可以比你早到坐底(麥記/餐廳之類),因為如果你早到而學校又未開比同學入嘅話,你就要喺考場門口食風。如果冇地方比你白坐,可以入茶餐廳叫杯熱茶蜜(飲兩啖好,唔好飲唒)坐底溫下書。

  • 學校正門喺邊,因為有好多學校喺屋村入面,要入咗屋村先可以入到間學校,我個朋友就曾經試過喺考嗰日跟住google map行錯,最後要爬牆入學校。

Google Map只會帶你到考場個位置,但唔會帶你去考場嘅正門,而有好多大嘅學校正門同後門係要兜一大個圈,所以你唔去考察會有機會令你遲到❗️

2️⃣ 睇清楚學校名!

香港有好多校名好似嘅學校,所以一定要睇清楚地址:

Eg. 圓玄一中喺葵涌,圓玄二中喺大埔,圓玄三中喺將軍澳

Eg. St. Paul 有 St. Paul’s Co-ed, St. Paul’s College, St. Paul’s School Lam Tin etc. 仲要有啲地址係好近,所以我強烈建議大家都行一圈❗️

3️⃣ 交通

搵定至少兩種去考場嘅交通方法,最好兩種係唔同(巴士,地鐵),尤其喺慈雲山/秀茂坪同寶馬山考嘅同學,嗰到未必有地鐵去到,如果平時冇乜去嗰邊嘅記得搵清楚交通。

另外,以穩定程度嚟講:

地鐵>巴士>小巴

小巴嘅班次唔準,又冇APP比你睇,而且喺中途站上有機會冇位,如果喺總站上繁忙時間可能要等兩三班車,所以盡量唔好撘小巴。

如果屋企人有車嘅,盡量麻煩屋企人車你啦~

記德預計埋去考場嘅時間,咁就萬無一失啦。


#dse #dse2020 #dse2021 #dse2022 #dsenotes #dsenotesforsell #補習notes #補習筆記 #freegiveaway #2020dse #2021dse #hkdse #dser #2020dsefighter #2021dsefighter #dsefighter #dsefighters #studygram #讀書心得 #佛系讀書心法 #yylam #閱讀卷 #中文閱讀 #timemanagement #私補 #studytips #studyleave

210 次查看0 則留言

最新文章

查看全部

死讀書係冇用架❗️讀書就好似打機,要搵最低成本,高效益嘅方式讀先得😎㊙️如何佛系讀書,唔駛咁辛苦讀都5**?😍Follow #佛系讀書心法 ❗️⁣ ⁣ 上次就講過字數同高分係完全成正比㊙️,好多同學就問點先可以爆到極多字搶分❗️今次就同大家剖析極重要嘅提升手速方法,跟住以下嘅方法做,保證大家可以爆字數爆到加紙!💥⁣ ⁣ 🌚都知你地一定會問:手速係天生架,點練?⁣ 🅰️手速慢絕對會影響你考

距離公開試仲有約三十日,依家開始會分享一啲入考場前必睇嘅資訊同準備事項,包抱考試心態、做卷注意點甚至DSE期間嘅習慣! ⚠️ 記得Save Post,考第一科之前睇多次! 做MC成日都要撞MC,但成日聽人講MC答案唔係平均,MC唔會連續一樣答案,以下我地一一破解MC四大迷思。 迷思1️⃣ :每個答案嘅數量係咪平均? ✔️係,考評局出嘅MC卷通常ABCD各佔四分之一,但並非絕對,以40條MC為例,份

大家準備咗三年,但成績就取決於個幾鐘之內,所以大多數人行入考場都會好緊張,尤其考場入邊嘅氣氛非常嚴肅,陰風陣陣,好多時都會開冷氣開到好大,更加會令到同學打晒冷震,影響臨場發揮。所以,今日就同大家分享下點樣係臨場考試令自己冇咁緊張!  1️⃣ 視察環境 大部份同學都唔係佢自己學校考試,所以,你係3月30號係去到一個陌生嘅地方,係唔熟悉 嘅環境之下考你人生入邊最重要嘅一個試。 試場好多嘅因素會影響