准大學生入學守則:學位、Program、Major、concentration 、Minor係指乜?⁣

准大學生入學守則:學位、Program、Major、concentration 、Minor係指乜?⁣

相信大家都好期待放榜同入大學,【准大學生入學守則】就會同大家講吓揀科出路、大學心得。8大有超過200個Program,當中有細分Major同minor,我地一步一步講下~⁣

1️⃣ 咩係Major/Broad-base ?⁣

大學入學主要有兩種模式:直接入Major同入Broad-base program,前者就係你畢業就直接以該Program名畢業,後者係你入去第一年會讀唔同方面嘅Course,再喺Year 1後期/Year 2前期揀Major,例如 CUHK Social Science 大類收生就比學生喺Year 1尾揀入唔同Major,例如Sociology, Psychology, Government and Public Affairs等,亦有大學容許甚至要求學生讀Double major,例如HKU 好多都可以讀Second Major. ⁣

⚠️ 大學畢業嘅名銜取決於你讀咗啲乜,好似執藥咁,你要執齊幾十種藥材(讀齊Required嘅Course),先可以煲到藥(拎Major或Minor)⁣

2️⃣ 學位,Program,Major,concentration ,Minor係指乜?好亂呀!⁣

學位名係指Bachelor of _______,通常有分Bachelor of Social Science (B. Soc. sci.) , Art (B.A.), Engineering (B. Eng), Business Administration (B.B.A.), Science (B. Sc) ,亦有Specific for 某啲Program嘅Title,例如 MBBS,Bachelor of Journalism, Bachelor of Nursing等,通常你讀相關嘅科目就會比相關嘅Title 你,不過都有例外,如中大嘅interdisciplinary major in Global Economics and Finance 係 B. Sc.⁣

Program 名係指Jupas Code/official name,除咗大類收生(上文講嘅Broad-base)外,大多數嘅Program名同你嘅Major係一樣,另外,大部分嘅同學玩Ocamp就會跟返自己嘅Program玩🤩⁣

Major (主修)係指係真正讀嘅專門學科,因為只有學位名(BBA/BA/BEng)其實冇人會知你讀邊飯,而4年大學入面,有約60-70%嘅科目都係同Major有關,例如你會見到 B.B.A. in Finance (金融工商管理學士),佢嘅主修就係Finance;B.A. in Chinese Language and Literature (中國語言與文學 文學士),佢就係所謂嘅「讀中文系」⁣

Minor(副修)係除主修外對你嘅學業認同,正如上文講到,你會有60-70%嘅課堂係同Major有關,剩低嘅就係Common Core(中英文,全人教育/大學通識)同Free electives(可以自己揀上咩科,大部分Course都可以自由比你讀),如果你喺Free electives度執藥執夠一定程度,就可以Declare Minor,Minor大約係Major課程嘅三分之一左右,而Minor嘅用途可以參考中大官網講法:⁣

//完成副修課程後,學生將在與學科相關的基礎問題上有著基本認識,並已充分接觸該學科某些範疇,汲取知識,達致相當水平,而其水準可讓學生可在該學科或相關學科繼續進修或從事相關職業。//⁣

大部份讀副修嘅人都係為興趣而讀,例如 @dsehighbanana 好鐘意歷史,就可以揀歷史嘅Course嚟讀,Minor in History~ ⁣

Concentration (專修)係指喺Major之下再細分嘅學科,雖然我地可以用Major分出唔同嘅科目,但有時一個Major都可以再有好多唔同部分,例如中大Integrated BBA Major入面又有Finance/General Business/Entrepreneurship/Marketing之類,中大Global Studies 入面會有Global Media/World Politics/Global Economy 之類嘅Concentration,同樣地,Major嘅同學會被要求揀1-2個專修嚟讀先可以畢業~ ⁣

咁即係點?⁣

以下比個例子大家⁣

Bachelor of Business Administrations (學位名)⁣

Major in integrated BBA(主修名)⁣

Concentrated in Finance and Business Economics(專修)⁣

Minor in Government and Public Affairs(副修)⁣⁣

—————————————————————⁣⁣

記得密切留意我地之後講揀科同唔同大學資訊嘅post,亦都可以Follow 定 #准大學生入學守則 從而唔好錯過任何重要資訊!


#dse #dse2022 #dse2023 #dse2024 #2022dse #2023dse #2024dse #hkdse #dser #dsefighter #dsefighters #studygram #讀書心得 #准大學生入學守則 #升學顧問 #遙距學位



2,825 次查看0 則留言

最新文章

查看全部

⁣ 雖然大家依家應該好期待入大學,但今日我決定返傳統,同大家講吓入大學之前一定要做嘅事😂🙈⁣ ⁣ 1️⃣ 自學新事物,發展興趣⁣ 入到大學後,你有新嘅課程要讀,有好多新嘅堂要上,就會冇晒自己學嘢嘅時間。所以把握剩低嘅依一兩個月,學吓自己上學嘅嘢,無論係結他、彈琴、另一種語言、整甜品都好,因為開始每日要返學嘅生活後,你唔會再有心機上完堂自學新野⁣ ⁣ 2️⃣ 周圍去,約人玩同食飯⁣ 如果你有好多

好多同學成日都會唔夠時間做閱讀卷,白白放棄咗定勝負5-6 分,5-6分係差兩個Grade,足以影響入大學機會,而只要你跟住以下嘅做卷次序,就可以穩陣做唒,將攞分可能性最大化!⁣⁣ ⁣⁣ 1️⃣ 先做範文部分 (20分鐘內Must完成)⁣⁣ 應該所有題目都要一見到就諗到點答,諗唔到都要吹返啲內容出嚟。你嗰刻諗唔到,check卷嘅時候都唔會諗到❗️⁣⁣ ⁣⁣ 2️⃣ 做Unseen 文言文 (20 分

連續兩年公開試取消咗中文說話,睇嚟大家都唔係好記得仲有呢份卷嘅存在,但其實卷四係唔少人拉Grade重要機會,今日就等小編依個考2019嘅Old seafood分享下短時間內提升說話能力啦😚 1️⃣ 了解題目性質 可能同學練習得唔多,所以有好多同學唔清楚說話題目嘅結構,任何說話題目都有分「目標」同「任務」,所謂目標,就係題目討論嘅方向,例如「提升香港學生的自信心」、「培養孝順的價值」。所謂任務,就