最後三十日,如何準備DSE

你到最後30日,唔少都分享左係最後嘅關頭點樣準備公開試,方法有好多,見唔同嘅人亦都有唔同嘅方法去溫書,今日我唔係想分享自己點樣溫書,而係想同大家整合下究竟係揀唔同溫書方法嘅時候,有啲乜嘢嘅準則。

1️⃣ 搵清楚你嘅需要

其實唔同人嘅需要係唔同,有啲同學希望衝5**,有啲同學希望保個四,有啲同學唔同科已經溫得7788 ,有啲同學可能連溫都未開始溫。所以第一步,你一定要問清楚自己想要啲咩,同需要啲咩,再就住自己嘅需要度身訂造最適合嘅溫習方法。

2️⃣ 幾個重要嘅大原則

但係,有幾樣好重要嘅原則我一定要提醒大家,如果你唔清楚呢啲原則,你係三月嘅時候就會溫得好辛苦:

❗️書係永遠溫唔晒嘅,所以點樣係有限嘅時間溫得最好先係你要諗嘅嘢

❗️同學好多時忽略時間控制同成份卷嘅layout。大部份嘅同學溫書都淨係一課一課咁記熟唔同嘅資料,但係忽略咗宏觀咁睇成份考試卷,更加唔記得控制好自己嘅考試時間。

❗️你永遠都會Behind Schedule,所以要學識同接受取捨

❗️唔好糾纏於溫極都唔熟嘅嘢,你會覺得自己溫極都溫唔熟,所以係咁重複溫同一樣野。但係,有冇諗過係自己溫習嘅方法有問題?我寧願你做多幾份卷,或者係其他嘅課題度攞多幾分,都唔好糾纏於一個溫都唔識嘅課題。

3️⃣ 制定時間表嘅幾個步驟

  1. 問清楚自己想溫咩科——點分配6/7/8科嘅時間

  2. 決定一日溫一科、兩科定三科(睇你喜好)

  3. 決定溫習模式:操成份卷、操by topic exercise、睇筆記/溫筆記

  4. 將自己每日嘅時間分成3-4段,再Fill in the block

以上嘅溫習模式嘅比例應該係4:2:3,當然,如果你已經做晒by topic exercise嘅話,啲時間就可以平均分配落另外嘅模式。

#dse #dse2020 #dse2021 #dse2022 #dsenotes #dsenotesforsell #補習notes #補習筆記 #freegiveaway #2020dse #2021dse #hkdse #dser #2020dsefighter #2021dsefighter #dsefighter #dsefighters #studygram #讀書心得 #佛系讀書心法 #yylam #閱讀卷 #中文閱讀 #timemanagement #私補 #studytips #studyleave

600 次查看0 則留言

最新文章

查看全部

相信大家都差唔多開始放Study Leave,作為你最後衝刺嘅時間,必須要有好完善嘅溫習策略從而幫助你係最後關頭升到最多分,依幾日就會開始分享在溫習策略同注意事項!  ⚠️喺武漢肺炎疫症肆虐之下,全港嘅公眾自修室已經關閉,令到唔少同學冇地方溫書!今日就同大家分享下除咗公眾自修室外,可以溫書嘅地方。 1️⃣ 樓上自修室 其實喺尖沙咀同銅鑼灣呢啲地方,有唔少嘅樓上自修室俾人租用,呢啲地方都係好安靜嘅

喺武漢肺炎激情之下,好多學校都將中六嘅轉成網上考試,仲有好多同學要三月初先開始考,考完都三月中啦。好多同學仲話延遲左嘅學校打亂晒佢哋所有溫書嘅schedule,所以—— 唔好當佢係Mock,當佢係練習! 考試同做練習係兩種唔同嘅心態,考試嘅話,你每日考嘅嘢都唔同,所以你前一日就會溫下一日考嘅科!所以,如果你要考成兩個禮拜嘅話,你每日做嘅嘢同溫嘅科目就俾你成個時間表限制住,例如3月2號考中文, 3月

去到三月,好多同學會透過做Mock卷、學校Prediction 同埋參架出面mock嚟獲得Predicted grade,而收到predicted grade 嘅大家都會被佢影響心情,今日就同大家分享下點樣預測自己嘅成績 + 調整自己嘅心態啦。🥰 1️⃣ Predict Grade 可唔可信? Ans: it depends 學校嘅Predict grade 大多唔太可信,因為好多學校都會刻意P